និយាយពីការសរសេរកូដកម្មវិធីសម្រាប់ Android mobile យើងនឹងនឹកឃើញដល់ Java Programming Languageមុនគេ។ ចុះប្រសិនបើលោកអ្នកមិនទាន់ចេះភាសាកូដមួយនេះ តើមានវិធីផ្សេងដែរឫទេ? ចម្លើយគឺ មាន មានវិធីច្រើនណាស់ក្នុងការបង្កើតកម្មវិធីសម្រាប់ Android លោកអ្នកអាចប្រើប្រាស់ C# ក៏បាន ឫមិនចាំបាច់ទាន់ចេះ Programming ក៏បានដែរ ដោយចាប់ផ្តើមជាមួយ សំបុកអាយធី ដូចតទៅ៖
ដំបូង សូមចូលទៅកាន់គេហទំព័រ App Inventor ឫតាមរយៈទីនេះ។ បន្ទាប់មក សូមចុច Create
បន្ទាប់មកទៀត សូមធ្វើការ Log in នូវ Google Account របស់លោកអ្នក និង Allow MIT AppInventor 2 ក្នុងការ Access គណនីរបស់លោកអ្នក។
កម្មវិធីនឹងស្នើឲ្យលោកអ្នកធ្វើការស្ទង់មតិ (Survey) សូមចុច Take Survey Later ។
បន្ទាប់មក លោកអ្នកនឹងទទួលបានការណែនាំទាក់ទងនឹងការតេស្ត App ដោយប្រើឧបករណ៍ពិត(Android device) ឫក៏ប្រើប្រាស់ឧបករណ៍សិប្បនិម្មិត (Emulator)។ សូមធ្វើតាមការណែនាំ ដោយចុចតំណភ្ជាប់(link)ដែលបានផ្តល់ឲ្យ ។
បន្ទាប់ពីចុច Continue លោកអ្នកអាចចាប់ផ្តើមបានហើយ។ សូមចុច New និងដាក់ឈ្មោះឲ្យ Project នោះ ដោយមិនប្រើប្រាស់ ដកឃ្លា (space)។
បន្ទាប់មកទៀត លោកអ្នកនឹងទទួលបាន Design window ដូចរូបខាងក្រោម ។
សំបុកអាយធី នឹងបង្កើតកម្មវិធីមួយដែល User អាចបញ្ចូលពាក្យ ឫឃ្លា ដែលចង់ឲ្យកម្មវិធីអានឲ្យស្តាប់ និងមានប៊ូតុងចុច សម្រាប់ចូលមកកាន់គេហទំព័រ សំបុកអាយធី ។ ពីផ្នែកខាងឆ្វេងដៃ ត្រង់ User Interface សូមបញ្ចូល Button ២, TextBox ១, WebViewer ១ និងត្រង់ Media សូមបញ្ចូល TextToSpeech១ និងត្រង់ Connectivity សូមបញ្ចូល Web ១ ដោយអូសមកដាក់ក្នុងផ្ទាំងកម្មវិធី Viewer ។
ដើម្បីទទួលបានដូចរូបខាងលើ លោកអ្នកត្រូវចូលទៅកែប្រែព័ត៌មានមួយចំនួន ដូចជា Name, Height, width ជាដើម នៅកន្លែង Property របស់ tool នីមួយៗ។ កុំភ្លេចបញ្ចូលអាស័យដ្ឋានគេហទំព័រនៅត្រង់ Url នៅ Property របស់ Web ដែលទើបនឹងបញ្ចូលនោះ និងជាចុងក្រោយសូមចុច Block នៅខាងស្តាំ ផ្នែកខាងលើ។
បន្ទាប់មកទៀត សូមចុច Click button នោះលោកអ្នកនឹងឃើញមាន Event ជាច្រើនបង្ហាញចេញមក។ សូមជ្រើសយក When[ button ].Click ដែលស្ថិតនៅខាងលើគេនោះ។
បន្ទាប់មក សូមចុច TextToSpeech1 និងជ្រើសយក Call[TextToSpeech].Speak រួចទាញ និងអូសមកដាក់បញ្ចូលក្នុង When[ button ].Click ដូចរូបខាងក្រោម។
យើងឃើញថា នៅត្រង់ message មានចន្លោះមួយសម្រាប់បំពេញបន្ថែម ដែលនឹងជាពាក្យ ឫឃ្លាដែល User បញ្ចូល ដូចនេះសូមចុច TextBox1 និងជ្រើសយក [TextBox].Text។
ដូចគ្នានេះដែរ ចំពោះ AboutUS button សូមបញ្ចូល When[ Button ].Click និង WebViewer1 យក call[WebViewer].GoToUrl និង Web1 យក [Web].Url។ បន្ទាប់ពីរួចរាល់ លោកអ្នកអាចធ្វើការសាកល្បងកម្មវិធីរបស់លោកអ្នកបានហើយ។ សូមចុច Connect > Emulator (សម្រាប់ឧបករណ៍ពិត លោកអ្នកអាចប្រើ AI Companion ឫ USB)។
សាកល្បងបញ្ចូលពាក្យឫឃ្លាទៅក្នុង TextBox ខាងលើនោះ រួចចុចប៊ូតុង Click លោកអ្នកនឹងឮពាក្យឫឃ្លានោះ ជាក់ជាមិនខាន។ ដោយចុចប៊ូតុង About us គេហទំព័រដែលលោកអ្នកបានកំណត់ នឹងបង្ហាញឡើងដូចរូបខាងក្រោម ដូច្នេះដែរ ។
ជាចុងក្រោយ សូមចុច Build > App … ជាការស្រេច។
Voilà! ពេលនេះលោកអ្នកអាចបង្កើត កម្មវិធីសម្រាប់ Android បានយ៉ាងងាយស្រួល។ កុំភ្លេចដាក់តំណភ្ជាប់នៃកម្មវិធីដែលលោកអ្នកបង្កើត នៅក្នុង Comment ខាងក្រោមផង 
ដកស្រង់ចេញពី : សំបុក IT
